Танымал профессор Есенғазы Қуандық әлеуметтік желідегі парақшасында қазіргі Құрылтайға депутат болғысы келетіндердің ішінде тіл мәселесіне қарсы шыққандардың барын айтып, мәлімдеме жасады деп жазады Democrat.kz.
"Мына опасыздық танытқан депутатпен танысыңыздар?" деп сауал тастаған
Тарих ғылымдарының докторы,профессор Есенғазы Қуандықтың "Тәуелсіздік тарихының ақиқаты" атты кітабынан төмендегі тарихи шындықты жұрттың назарына ұсынды:
"Қазақ тілі мемлекеттік тілді қолдаудан бас тартқандар ішінде ол кезде "НұрОтан" партиясының депутаты Әбенов Мұрат Абдуламитұлы бар екен. Енді сол Әбенов Мұрат "Әділет" партиясына кіріп алып ұялмай тағы депутат болмақшы.
2011 жылы 2 қазанда Алматыда рұқсат етілген «Мемлекеттік тілді қолдау» акциясына қатысушылар ҚР Президентіне, Парламентіне, Үкіметіне мәлімдеме жасап, ҚР Конституциясының 7-бабының орыс тіліне байланысты екінші тармағы алынып тасталып, оның орнына «орыс тілі этносаралық, халықаралық тіл» деп жазылсын деген талап қойды.
Аталған 7 баптағы қосымшада «орыс тілі ресми түрде қазақ тілімен тең қолданылады» деп мемекеттік тіл мәртебесін төмендетіп тастаған. Алайда Мемлекеттік тілді қолдаудан қашқан Парламент Мәжілісі депутаттарының саны 106, оның 28 –і қарсы шықты 4-і ғана қолдады.
Қалған 74 депутат телефондарын алмай бұл сұраққа жауап беруден бас тартып журналистерден қашты. Ашық қарсы шыққан депутаттар: Асанов Тұрарбек, Айсина Майра, Алшымбаев Зейнулла, Әбенов Мұрат Абдуламитұлы, Әйімбетов Сейсұлтан, Әлзахов Ерзат, Әлімжанов Бекен, Баймағамбетова Бағила, Бектөреев Үстемір, Бекенов Асхат, Бекжанов Берік, Елекеев Ирак Қасымұлы, Есжанов Сауырбай, Есілов Сансызбай, Жазин Аманжол, Мұхамджанов Орал, Мырзахметов Шалатай, Сағадиев Кенжеғали, Сейтмағанбетова Гүлнәр, Сыздықова Бақыт, Тінекеев Мұхтар, Тұрсынов Азамат, Халмұрадов Розақұл, Омаров Ермұхамбет, Өтегенов Амандос, Жараспаев Әлияр, Ибрагимов Сатыбалды, Өтемісов Шавкат, Нүкетаева Динар, Оспанов Серік, Смакова Айткүл, Тлеубердин Алтай, Ферхо Светлана, Мәми Қайрат, Әміров Иран, Жалмағамбетова Светлана. Тарих ұлтқа қарсы заң қабылдағандарды ұмытпайды".
