Елімізде енді мұғалімге де, оқушыларға да миллиондап сыйақы беріледі

28 шілде 2026

692

Мақаланы бөлісу
Елімізде енді мұғалімге де, оқушыларға да миллиондап сыйақы беріледі

Коллаж Democrat.kz. ЖИ көмегімен жасалды.

Таяуда ғана "мұғалімдерге премия берілуі" туралы қоғамда үлкен дау туындап еді. Енді міне, Қазақстанда дарынды оқушыларға 6,5 млн теңгеге дейін сыйақы төленетіні және ондай оқушыны дайындаған ұстазы да құр қол қалмайтыны туралы ақпарат тарады деп жазады Democrat.kz.

Елімізде халықаралық олимпиада жеңімпаздарын қолдау күшейтілді. Мемлекет дарынды оқушыларды ғана емес, оларды дайындаған ұстаздарды да қаржылай және мемлекеттік марапаттармен ынталандырып келеді.

Оқушыларға берілетін сыйақы:
Алтын – 6 487 500 теңге
Күміс – 4 325 000 теңге
Қола – 2 162 500 теңге

Жеңімпаздарды дайындаған педагогтерге:
• 8,5-тен 26,5 базалық лауазымдық жалақыға дейін біржолғы ақшалай сыйақы төленеді.
• 2025 жылы халықаралық олимпиада жеңімпаздарын дайындаған 24 педагог алғаш рет мемлекеттік наградалармен марапатталды.

Сонымен қатар олимпиада жеңімпаздары жоғары оқу орындарына білім грантымен түсе алады. Ал 2025 жылдан бастап олар «Болашақ» халықаралық стипендиясы арқылы шетелде білім алу мүмкіндігіне де ие болды.

Мемлекеттік қолдаудың нәтижесінде 2025–2026 оқу жылында қазақстандық оқушылар халықаралық олимпиадалар мен ғылыми жарыстарда 1059 медаль және 57 арнайы марапат жеңіп алды. Оның ішінде 201 алтын, 351 күміс және 507 қола медаль бар.

Барлық жаңалықтар