Мектепте бағалану жүйесі өзгереді: Бастауыш сыныптар қалай бағаланады?

05 тамыз 2026

705

Мақаланы бөлісу
Мектепте бағалану жүйесі өзгереді: Бастауыш сыныптар қалай бағаланады?

Фото интернеттен.

Қазақстанда 2026 жылғы 1 қыркүйектен бастап 1–4 сынып оқушыларының білімін бағалау жүйесі өзгереді деп жазады Democrat.kz.

Оқу-ағарту министрлігінің мәліметінше, бастауыш сыныптарда бұдан былай бөлім бойынша жиынтық бағалау (БЖБ) және тоқсан бойынша жиынтық бағалау (ТЖБ) өткізілмейді.

Олардың орнына оқушының білім деңгейі жас ерекшелігіне сай дәстүрлі бағалау түрлері арқылы анықталады. Атап айтқанда:

🔹 диктант;
🔹 мазмұндама;
🔹 бақылау жұмыстары;
🔹 практикалық жұмыстар;
🔹 шығармашылық жұмыстар.

Министрлік бұл шешімнің ата-аналар мен педагогтердің ұсыныстары, мектептердің тәжірибесі және оқушылардың оқу жетістіктеріне жүргізілген мониторинг нәтижелері негізінде қабылданғанын хабарлады.

Ведомствоның пікірінше, жаңа тәсіл оқушылардың оқу-жазу сауаттылығын, функционалдық сауаттылығын, сыни ойлауын және коммуникативтік дағдыларын дамытуға мүмкіндік береді.

Министр Жұлдыз Сүлейменова бұған дейін қазіргі жүйеде ТЖБ тоқсандық бағаның 50 пайызын құрайтынын айтып, оның кей жағдайда оқушының тоқсандық бағасын төмендетуі мүмкін екенін атап өткен.

Жаңа бағалау жүйесі 2026 жылғы 1 қыркүйектен бастап енгізіледі.

Барлық жаңалықтар