Павлодарлық депутаттың компаниясында 6 кісі кәрізге құлап өлген

21 шілде 2026

151

Мақаланы бөлісу
Павлодарлық депутаттың компаниясында 6 кісі кәрізге құлап өлген

Александр Терентьев. Фото әлеуметтік желіден.

Павлодар обл. Ақтоғай ауданына қарасты Жоламан ауылында қайғылы жағдай орын алды. Жергілікті «Aqtogai Milk» ЖШС аумағындағы кәріз құдығында электр сорғысын жөндеу кезінде алты адам қаза тапты деп жазады Democrat.kz. сайты Kerekemes.kz-ке сілтеме жасап. 
Ааталған кәсіпорынның меншік иесі Павлодар облыстық мәслихатының депутаты Александр Терентьев.
Мәліметтерге сәйкес, оқиға туралы хабарлама 20 шілде күні сағат 12:01-де түскен. Дәрігерлер 1963, 1975, 1983, 1998, 2006 және 2009 жылдары туған алты ер адамның қайтыс болғанын растады, олардың арасында 16 жастағы жасөспірім де бар. Сонымен қатар, 1988 жылы туған тағы бір азамат иіс газынан орташа дәрежеде улану белгілерімен Ақтоғай аудандық ауруханасына жеткізілді. Облыстық денсаулық сақтау басқармасы зардап шеккен тұрғынның жағдайы тұрақты екенін және оны облыс орталығына тасымалдаудың қажеті жоқтығын хабарлады.
Қазіргі уақытта оқиға орнында жедел-тергеу тобы жұмыс істеп жатыр, полиция аталған факті бойынша қылмыстық іс қозғады.

Барлық жаңалықтар