Қайрат Әділгерей Құрманғазының басына барып, кешірім сұрады

17 ақпан 2026

990

Мақаланы бөлісу
Қайрат Әділгерей Құрманғазының басына барып, кешірім сұрады

Коллаж: Democrat.kz.

Подкасттағы сөзінен кейін қоғамда үлкен талқы туған еді: Қайрат Әділгерей Құрманғазы Сағырбайұлы туралы айтқан пікіріне байланысты көпшіліктен сын естіді. Осы жағдайдан соң ол көпке үндеу жасап, ешкімнің рухын қорлау ниеті болмағанын айтып, Астраханьға барып кешірім сұрайтынын мәлімдеген деп жазады Democrat.kz.

Енді әзілкеш уәдесін орындағанын көрсетті: желіде Астрахань қаласында түсірілген видео жариялап, Құрманғазы бабамыздың басына барып, құран бағыштағанын айтты. Пост астына өзі былай деп жазды:

«Құрманғазы бабамыздың басына барып, құран бағыштап, құрбан шалып қайттық! Аллам жар болып, Бабаларымыздың аруағы қолдап, желеп-жебеп жатсын!»

Еске салсақ, бұған дейін Құрманғазы ұрпақтары тарапынан наразылық күшейіп, актердің сөзін орынсыз деп бағалаған пікірлер айтылған. Бір топ ақсақал да ел алдында кешірім сұрап, қателігін мойындауды талап еткен еді.

Барлық жаңалықтар