Тараздық оқушы әкесін алиментке "қадады"

01 сәуір 2026

382

Мақаланы бөлісу
Тараздық оқушы әкесін алиментке "қадады"

Фото интернеттен.

Тараз қаласында 11-сынып оқушысы өз әкесін сотта жеңіп шықты. Істің ерекшелігі сол, әкесі алимент мөлшерін азайту үшін түрлі айла-шарғыға барған деп жазады Democrat.kz.

Іс материалдарына сәйкес, оқушы ай сайын 68 мың теңге көлемінде оқу ақысын төлейді. Алайда оның барлық шығындарын қазіргі таңда бірге тұратын әжесі өтеп келген. Оқушының анасы мен ағасы 2018 жылы қайтыс болған.

Белгілі болғандай, 2008 жылы әкесі екі баласына қатысты ата-ана құқықтарынан бас тарту туралы нотариалды түрде куәландырылған арыз жазған. Содан бері ол қызымен байланыс орнатпаған және ешқандай материалдық көмек көрсетпеген. Көмек сұраған жағдайда да қызының байланыс нөмірін бұғаттап отырған.

Сот басталғанда ол кәсіпкерлігін жауып, алимент мөлшерін төмендету үшін бірден 4 балаға әкелікті ресімдеген.

Тараз қалалық соты бұл әрекетті алимент мөлшерін жасанды түрде төмендетуге бағытталған әрекет деп танып, әкесін ай сайын 17 АЕК (66 844 теңге) төлеуге міндеттеді.

Жамбыл облыстық соты шешімді өзгеріссіз қалдырды. Енді тасжүрек әке қызы мектепті бітіргенше осы соманы төлеуге қарыздар.

Барлық жаңалықтар