Алматы облысында оқушыларға берілген жаңа автобустар қаңтарылып тұр

Алматы облысында мектеп оқушыларын тасымалдауға берілген жаңа 23 автобустың 11-і тұрақта қаңтарылып тұр деп жазады журналист Оңғар Қабден өзінің жекесіне келген анонимді хатқа сүйеніп.  "Бір жыл бұрын аудандық білім бөлімідеріне жаңа автобустың кілттері табысталған еді. Бұл салтанатты рәсімді Алматы облысының әкімі Марат Сұлтанғазиев өзі жүргізген болатын. Бірақ тасымал көліктерінің іске кірісер түрі жоқ. Мектеп оқушылары әлі күнге дейін су жаңа техниканің беруіне де қыс мезгілінде мініп көрмеген. Су жаңа автобустар аулаларда қаңтарылып тұрғанда, оқушылар әдеттегіше ескі автобуспен қатынай беруге мәжбүр. Білім басқармасының өкілдері жаңа көліктер келесі айда жұмысқа шығарылады деп уәде бергендеріне міне, бір жыл болып отыр. Шалғай ауылдың оқушылары мектепке әлі ескі көліктермен қатынауға мәжбүр. Былтырғы оқу жылында жаңа 23 автобус мектептерге берілді. Бюджеттен 1 млрд 400 миллион теңге бөлінген. Алайда оның тең жартысы орнынан қозғалмастан тұр. Тіпті 2-еуі жүрмей жатып бұзылыпты. Керек десеңіз, Есік қаласының іргесіндегі Рахат ауылдық округінің тұрғындары «жаңа сары автобустарды әлі көзіміз көрмедік, - дейді. Ата аналар мектепке баратын ұл қыздарын өздері тасып жүр. Баламызды күнде өзіміз алып кетеміз. Автобусқа мінгісі келмейді балалар сығылысады деп, ол аздай бастары жарылып жатыр емес пе деп отыр. Абдуллин атындағы орта мектепке берілген автобус та бұзылып жүрмей қалған. Ал қалған ауылдағы тоғыз автобуста жанар-жағармай мәселесі шешімін таппай отырғанын айтуда. Мемлекеттік сатып алу веб порталына енгізілгенімен, алайда жанармаймен қамтамассыз ету мүмкін болмай тұр. Алматы облысы Еңбекшіқазақ аудандық білім бөлімінің басшысы бұл жолы рекорд жаңартуда. Толеубекова А.А күнен күнге таңғалдыруын үдетіп келе жатыр. Олай дейтініміз осы күнге дейін балаларға арналған автобустардың дөңгелегі жоқ дедік, артынша жанар-жағармайы жоқ дедік. Енді автобус жүргiзушiсінің «жолаушылар алдындағы азаматтық-құқықтық жауапкершiлiгiн мiндеттi сақтандыру жөнiндегi сақтандыру полисi» - жоқ екен. 2024 жылдың желтоқсан айында Бәйтерек ауылының Бәйтерек орта мектебінің екі автобус жүргізушісін жол көлік қызметкерлері (ГАИ) ұстаған болатын. Жол жүру ережесін бұзғаны үшін.

«Әрбір жүргізуші рөлге отырған кезде өз өмірі және жолаушылар мен жаяу жүргіншілердің өмірі үшін жауапты болады. Жүргізуші өзімен бірге жүргiзушi куәлiгi немесе жүргiзушi куәлiгiнiң орнына берiлген басқару құқығына уақытша куәлiгi, көлiк құралдары иелерiнiң азаматтық-құқықтық жауапкершiлiгiн мiндеттi сақтандыру жөнiндегi немесе тасымалдаушының жолаушылар алдындағы азаматтық-құқықтық жауапкершiлiгiн мiндеттi сақтандыру жөнiндегi сақтандыру полисi, көлік құралына тіркеу және заңнамада белгiленген өзге де құжаттары жоқ жүргiзушi көлiк айдаса ескерту жасалады не 5 АЕК (15 315 теңге) көлемінде айыппұл салынады».

Жүргізушіге басқару құқығы жоқ адамға не көлiк құралын басқару құқығынан айырылған адамға көлiкті айдауға беру (Еңбекшіқазақ білім бөліміне тікелей қатысты) – 50 АЕК (153 150 теңге), бір жылда екінші рет қайталанса 70 АЕК (214 410 теңге) айыппұл салынады. Қыркүйек айынан бері сақтанбай жүр екен. Жол-көлiк оқиғасы – көлiк құралының жолда жүруі процесiнде және оның қатысуымен туындаған, адамның денсаулығына зиян келтіруге, өліміне, көлік құралдарының, бүлінуіне не өзге де материалдық залалға әкеп соғуына кім кінәлі болмақ. Осы уақытқа дейін автобустардың бүкіл проблемасы солярканың жетіспеуі десек, мiндеттi сақтандыру жөнiндегi немесе тасымалдаушының жолаушылар алдындағы азаматтық-құқықтық жауапкершілігі де жоқ Еңбекшіқазақ аудандық білім бөлімін тарату керек сияқты. Бөлім бастығы Беспаева "тікелей Ғ.Бейсембаевқа барып шешіп келдім бүкіл проблеманы" деп жүр" деп жазба жариялаған журналист осы мәселе бойынша тиісті орындардың тексеру жүргізуін сұрады. Фото көрнекілік үшін.