Ескі телефонды сатудың қауіпті тұстары қандай?

26 маусым 2026

195

Мақаланы бөлісу
Ескі телефонды сатудың қауіпті тұстары қандай?

Ескі телефондар. Фото интернеттен.

Соңғы уақытта Қазақстанда көше бойымен жүріп, «ескі, сынған, істемейтін телефондарды сатып аламыз» деп хабарлайтын адамдар көбейген. Қызығы, оларды тіпті қосылмайтын құрылғылардың өзі қызықтырады деп жазады Democrat.kz.

Мамандардың айтуынша, кейбіреулер ескі құрылғылардан алтын бөлшектерін алу үшін жинайды. Ал енді бірі жұмыс істейтін микросхемалар мен аналық платаларды (материналық плата) іздейді. Себебі жаңа қосалқы бөлшектер қымбат әрі тапшы. Кейін бұл бөлшектер жөндеуге пайдаланылады немесе қайта құрастырылып, басқа құрылғы ретінде сатылуы мүмкін.

Бірақ басты қауіп – сіздің жеке деректеріңіз.

Көпшілік телефонды зауыттық баптауға қайтарсам болды деп ойлайды. Алайда киберқауіпсіздік мамандарының сөзінше, бұл әрдайым деректердің толық жойылғанын білдірмейді. Смартфон – суреттер ғана емес, ол сіздің банктік қосымшаларыңыз, құжаттарыңыз, аккаунттарыңыз және жеке мәліметтеріңіз сақталатын цифрлық сейф.

Сондықтан телефон сатпас бұрын:

 Барлық аккаунттардан шығыңыз;
 Маңызды деректердің сақтық көшірмесін жасаңыз;
Құрылғыны аккаунттарыңыздан ажыратыңыз;
 «Құрылғыны табу» функциясын өшіріңіз;
Зауыттық баптауға қайтарыңыз.

Ескі телефоныңыз бірнеше мың теңге ғана тұруы мүмкін. Бірақ оның ішіндегі деректердің құны әлдеқайда жоғары екенін ұмытпаңыз.

Барлық жаңалықтар